Shpërnda

Ne kete recete do te shohim si te gatuajme makarona tagliatelle, por jo vetem te ziera me sugo por akoma me te elaboruara. Kjo lloj makarone eshte e gjate dhe pete, shume e shjeshme pasi brumi eshte i ngjeshur vetem me te verdhat e vezeve. Per kete recete kam perdorur salce beshamel si dhe lulelaker. Kjo pjate eshte nje ide shume e mire per te pergatitur lulelakren e cila nuk pelqehet nga shija nga te gjithe, por e kombinuar me makarona dhe salce beshamel behet nje pjate teper e shijeshme. Ne fund pjata piqet per disa minuta ne furre. Per te pare si pergatitet salca beshamel ndiqni kete recete: si te gatuajme salce beshamel Kjo recete ben pjese ne pjatat vegjetarjane.

Makarona tagliatelle me lulelaker ne furre

Udhezimet:

1. Vendosni 2 tenxhere me uje dhe me kripe te nzehen, dhe nderkohe pergatisni salcen beshamel sipas recetes se shpjeguar me pare ketu: salca beshamel.
2. Kur uji te ket zier hidhni ne njeren tenxhere makaronat tagliatelle dhe ne tjetren lulelakren e lare dhe te coptuar me dore ne pjese te vogla.
3. Hiqni makaronat 5 minuta para ne menyre qe te jene gjysem te ziera, po ashtu edhe lulelakren e hiqni para 3-4 minutash para zierjes se plote. Nderkohe ndizni furrin ne 180° dhe vendosni nje tepsi me pak gjalp brenda.
4. Nzirrni tepsine nga furri dhe me gjalpin qe ka shkrire lyeni komplet siperfaqen e tepsise, shtoni gjysmat e makaronave tagliatelle qe keni kulluar me pare dhe me pas shtoni komplet lulelakren, pak pier te zi nese deshironi dhe ne fund gjysmen e salces beshamel.
5. Shtoni siper shtreses me beshamel pjesen tjeter te makaronave tagliatelle qe ngelen dhe siper pjesen e dyte te salces beshamel, sperkateni me djath kackavall dhe e vendosni tepsine me makarona ne furre.
6. Makaronat jane gati kur shtresa e siperme e beshameles te jete bere kerce. Sheberni pjaten te ngrohte.