Makarona me kungull pana kerpudha dhe pancete te tymosur

Shpërnda

Ne kete recete do te shohim si te gatuajme makarona me kungull, pana, kerpudha dhe pancete te tymosur, nje pjate shume e mire kjo sidomos ne ditet e ftohta, por nese sherbehet ne sasi me te vogla mund ta perdorim edhe si pjate verore. Eshte shume e thjeshte per tu pergatitur dhe kerkon pak perberes. Ne vend te pancetes se tymosur mund te perdorim wrustel te vegjel, te prere ne rripa te holle.

Makarona me kungull, pana, kerpudha dhe pancete te tymosur

• KOHA E PERGATITJES: 15 min
• KOHA E PJEKJES: 15 min
• KOHA TOTALE: 30 min
• PORCIONE: 4-5
• VESHTIRESIA: E Lehte
• TIPI I RECETES: Pjate e pare

Udhezimet:

1. Nderkohe qe pergatisni perbersit per sugon me pana, vendosni nje tenxhere me uje ne zjarr, ku do te zjeni makaronat.
2. Lani kungujt dhe i prisni ne feta te holla rrumbullake. Pastroni lani qepen dhe e prisni dhe ate ne te njejten menyre.
3. Vendosni nje tigan qe nuk ngjit ne zjarr mesatar, hidhni ne te 4-5 luge vaj ulliri, nje thelpi hudher te paqeruar, te shtypur qe te aromatizoje vajin, e lini per 1 minute dhe e hiqni nga tigani.
4. Shtoni kungujt e prere, i skuqni pak nga te dyja anet derisa te jene zbutur dhe te kene mare nje ngjyre te lehte kafe. Me pas shtoni kerpudhat e lara dhe te prera ne copa te vogla.
5. Shtoni panceten e tymosur te prere ne kubike te vegjel, vazhdoni ti skuqni per 2 minuta te tjera. Shtoni pak kripe nese eshte e nevojshme.
6. Kur uji ka filluar te mare vale, i shtoni kripe dhe hidhni makaronat te zjejne derisa te zbuten, ose sipas deshire suaj.
7. Hidhni panen ne tigan, vazhdoni pjekjen per vetem 1 minute dhe hidhni makaronat e zjera. I perzjeni mire me nje luge druri, i sperkatni me pak piper pluhur dhe pak djath te grire kaçavall.
8. I sherbeni makaronat me pana menjehere sa i hiqni nga zjarri.