Udhëzime
Le te shohim se bashku si te gatuajme tave me kungull te verdhe, ose siç quhet ndryshe kungull sheqeri, nje variant shume i shendetshem dhe i mire. Me kungullin e verdhe ne mund te pergatisim lloj lloj recetash, si byrek, mbushje per ravioli, supra per femije, salca per orizin ose makaronat, etj. Ne kete recete do ta pergatisim nje torte te kripur qe do pak kohe, dhe vlerat e kungullit ngelen pothuajse te paprekura pasi nuk behen shume perpunime ose pjekje te gjata.
Tave me kungull te verdhe
- Koha e Pergatitjes: 20 min
- Koha e Pjekjes: 20 min
- Koha Totale: 40 min
- Porcione: 6
- Veshtiresia: E lehte
- Tipi i Recetes: Pjate e Pare
Perberesit:
- 1 kg kungull te verdhe
- 4-6 veze
- 200g djath te bardhe
- 1 gote qumesht
- 2 luge miell
- 40g gjalp
- kripe
Udhezimet:
1. Merrni kungullin e sheqerit, e lani, i hiqni lekuren me nje thike, e pastroni nga farat, e prisni tamam siç prisni pjeprin dhe filloni e grini ne nje rende. Qe te reduktoni sadopak kohen e pjekjes, pasi e keni grire kungulline lini te kulloje per pak kohe ne nje rende pasi permban shume uje.
2. Pasi e keni grire te gjithe e hidhni ne nje tas te mash, shtoni vezet nje nga nje, qumeshtin, djathin e bardhe te therrmuar, miellin pak nga pak duke e trazuar te gjithe perberjen me nje luge, gjalpin ne temperature ambjenti, pak kripe ( beni kujdes me kripen pasi vete djathi i bardhe permban ).
3. Nxehni furren ne 200° C.
Merrni nje tepsi, e lyeni me pak gjalp ose vaj, sperkateni me nje shtrese shume te holle mielli dhe e trasferoni te gjithe perberjen qe sapo pergatitet ne tepsi.
4. E piqni taven me kungull derisa te kete mare ngjyre te embel kafe, e hiqni nga furri, e lini te ftohet per disa minuta dhe e shebeni te vaket.
