Shpërnda

Ne kete recete do te shohim si te gatuajme tave me kungull ose e quajtur edhe parmigiana kungujsh, e cila nje pjate shume e shijshme dhe e shendetshme te cilen mund ta sherbejme si pjate te pare ose pjate te dyte. Pergatitet shume thjesht, vetem me kunguj te pjekur ne grilje, beshamel, djath te grire dhe nje miks erezash. Per kete recete u duhet te pergatisni salce beshamel recetn e te ciles e gjeni ketu: Si te gatuajme salce beshamel

Tave me kungull

Udhezimet:

1. I lani, i thani dhe i prisni kungujt ne feta te holla per se gjati. Filloni ti piqni pa vaj ne nje grilje te nxehte ose zgare.
2. I piqni te gjitha fetat e kungujve me radhe derisa te mbarojne plotesisht.
3. E prisni djathin ne feta te holla dhe filloni te pergatisni taven me radhe.
4. Si fillim shtroni nje shtrese te holle beshamele ne fundin e tepsise, pastaj nje shtrese feta kungujsh, feta te holla djathi dhe vazhdoni ne kete menyre derisa te mbarojne te gjithe perberesit.
5. Kini kujdes qe shtresen e fundit te keni kunguj, beshamel, pak vaj ulliri, dhe e mbuloni te gjithe siperfaqen me djath kaçkavall te grire.
6. Nxehni furren ne 160°C dhe vazhdoni pjekjen per rreth 40 minuta.
7. E hiqni tepsine nga furri dhe e lini te ftohet per 15 minuta para se ta prisni dhe ta sherbeni ne tavoline.