Udhëzime
Fasule me salcice
Koha e Pergatitjes: 15 min
Koha e Pjekjes: 1h 45 min
Koha Totale: 2h
Porcione: 6
Veshtiresia: E Lehte
Tipi i Recetes: Pjate e Dyte
PERBERESIT:
- 500g fasule te thata
- 6 salçiçe
- 1 qepe
- 200g domate ose salce domateje
- 2 thelpi hudher
- 1 gote vere te kuqe ( me preference )
- disa gjethe sherebeli te fresket ( me preference )
- vaj ulliri
- kripe dhe piper
UDHEZIMET:
1. I lini fasulet ne nje ene me uje te ftohte per 12 ore, pasi keshtu shkurtohet dukshem koha e zjerjes dhe e nderroni ujin çdo 4 ore nese keni mundesi.
2. Pas kalimit te kesaj kohe i shplani fasulet me uje te rrjedhshem dhe i zjeni ne nje tenxhere me uje, ose me mire ne tenxhere me presion. Shtoni pak vaj ulliri dhe 2-3 gjethe sherebel dhe i lini te zjejne jo plotesisht, rreth 30 minuta nese i zjeni ne tenxhere me presion, nese jo i lini te zjejne per rreth 1 ore ne zjarr te ngadalte. Konservoni 1 gote nga uji i zjerjes.
3. Vendosni ne zjarr nje tigan te thelle qe nuk ngjit, hidhni ne 5-6 luge gjelle vaj ulliri, shtoni 1 thelpi hudher te prere, qepen e grire, 2 gjethe sherebel te fresket dhe salçiçet e prera ne copa mesatare. I skuqni per rreth 10 minuta dhe shtoni veren e kuqe, vazhdoni pjekjen derisa vera te kete avulluar plotesisht.
4. Shtoni domatet e prera ne kubike ose salcen e domateve, i skuqni per 3 minuta dhe shtoni fasulet e zjera me pare. I trazoni mire te gjithe perberesit me nje luge druri, shtoni ujin e zjerjes se fasuleve, kripe, piper dhe i zjeni ne zjarr te ngadalte per rreth 20 minuta. Nese eshte e nevojshme shtoni uje gjate zjerjes dhe kontrolloni mire per kripen, pasi vete salçiçet permbajne kripe.
5. I hiqni nga zjarri dhe i sherbeni te nxehta me feta buke te thekur.
